Revival des Quartetts-Blogs

Es isch spot Obe und d Rahel het sich grad zum Ziel gsetzt, unsere Blog widr mol zbenutze. Weri jo schad drum.
Mir hend jo au no was wichtiges vor:
En Termin fürs negst Quartett zfinde!
Ich ha emol agfange...damit dr Afang gmacht isch :)
Ergänzige sind willkomme

Bis bald!
boetzge

Isch guet für mi, am Sunntig! Bis denn!

Demfall: Sunntig, dr 2.10. am 11i bi mir (also Simone & Lukas).

Bis bald!

Schön vo dir z'höre, Macchiato!
Für mi wär dr 2.10. guet. Ich kenn leider nur s'Zickzack was Brunch betrifft, aber vilicht kennet dir no anderi Ort für Brunch? Und sunscht dörftet ihr au gärn zu mir cho (momentan hüet ich d'Wohnig vo mire Schwöschter und bi in Basel - nit in Allschwil).

Freu mich euch z'gseh!
Liebi Grüess
Miau

Hallo zämme, 

bi wieder in der Schwyyz und ha mir au scho könne biz iiläbe.. au wenns sehr schwierig gsi isch... (meh verzell ich euch denn bim Quartett ;) Und natürlig bini mal sehr gspannt, wies euch eso goht!

Ich bi jetz die nöchste 3-4 wuche nit immr in Basel, aber ich gseh dass dr 2.10. sehr vielversprechend usgseht! Wiels dr Boetzge nit got zobe, chönnte mir doch neume go Brunch ässe! Was meine dir?

Freu mi euch ääääändlich wiedr z gseh!!

Höchschti Zyt...

für e Quartett!!
Drum: Umbedingt itrage, damit mir uns wieder emol gsehn und mir d'Reiseabentür vo dr Macchiato chöne höre und was d'Eilean so unternoh het (wie gsehts us mit dire Doktrarbeit?) und wie d'Hochzyt vo Simone & Lukas gsi isch - oder mir chöne eifach diskutiere, welles die momentan interessantischti Färnsehserie isch (das wär ganz mi Fachgebiet!!)

Liebi Grüess und ich hoff fescht bis bald!
Miau

Juhuuu, mir stürme Eilean's castle!

Bi natürlig dbie und freu mi au scho riesig!! 

Ich nimm sunsch gärn e Salat oder so öbis mit :)

Ab wenn dörfe mir bi dir yytrudle, Eilean?

Glg Macchiato

Klar by mir!!!

Sälbschtverständlich kömmet ihr zu mir! Das hämmer jo scho so besproche. :D Und ich ha au gar kei Problem, öbbis zkoche. Machi gärn. Könnet aber gärn Vorschläg bringe. :)

Also myni neui Addi isch glaub scho bekannt: Gärbergässli 12.

Freu mi riiiiiiiiiiiiiiiiiiiiiiesig uf euch! :*

Quartett: 7.November

Quartett: 7.November

Liebi Quartettanier

Ich glaub mir hend en Termin!
Dr Samstig, 7.November wüdi uns allne go!
Den miesst mer jetzt nur nos WO und WAS entscheide.

Weris sehr frech, wenn ich würdi vorschlo, das mer zur Eilean go würde? Mich nimmt ebe ihi Wohnig wunder :)
Aber mir würde s Esse mitne, damit Eilean nit was mache muess.

Liebs Griessli

boetzge

Terminator aktualisiert!

Ha geschter ändlich myn Dienschtplan kriegt. Ha mit ytrage und no paar Terminli aghängt.

Bacino!