Wenn das so isch..

Meine Güte! Hän mir viel vor!! Dr Titel vom letschte Post het mir richtig gehend Angscht ig'jagt. Meinet ihr mir schaffes sooo viel in ein Obig z'packe??
Wenn mir wänn Wiehnacht fyre (und i find wirklich, dass mir das no mache sötte), chönte mir uns jo no öbbis speziels überlege, dass unseri Wiehnacht nit genau glich wie alli ander Quartett wird. (Nit das die nit toll wäre.. do dra will i absolut nit zwifle - würd i nie woge - aber es wär scho toll, wenns e chli en bsundere Aschtrich hätti, nit?!)
Ihr dörfets mir au gärn mitteile, wenn ihr das extrem übertriebe findet!!
I wird mi nomol mit däm Gedanke beschäftige (vielicht hani jo en Gedankeblitz) und sunscht dörfet ihr mi au mit eurne gedankliche Stärnstunde berichere.
Wiehnachte isch nur eimol im Johr!!

Hän dirs eigentlich au so sträng? I ha z'Gfühl, i bi die ganz Zyt nur dra Sache nochez'hole, wo scho lang hätt sölle mache.. Aber ihr chöned mir das au no bim Quartett sage.

Überigens hani in dr Eilean ihrem wundervolle Titel folgendi Wörter entnoh: "Ferie & Föteli". Heisst das mir sin zwunge (bzw. sölle, könnte, mien) Föteli mit z'näh? - das passt guet zu Wiehnachte, alti Lüt wärde denn sentimental und luege Föteli vo ihrne Änkel a!
Ähm jo.. meh sött sich jo nit über sini Grosseltere luschtig mache (mini neige au zu gröschte Teil gar nit zu Sentimentalität).
Guet, nach dem i jetzt no gnueg Blödsinn losworde bi:
Bonne nuit!