Montag, 16. November 2009

Es lauft so wenig

Hallo zämme!!
Damit nit witerhin die längscht vergangeni Wiehnachtsüberschrift uf unserem Blog prangt, informier ich euch jetzt über dr Unistreik.
Do unseri Aula bsetzt worde isch (wogege ich grundsätzlich nüt izwände ha), het eini vo mine Vorläsige hüt nit chöne stattfinde. Aber! kei Wort vo dr Information an uns Studierendi (usser i bi die einzig wos nit mitkriegt het). I ha sogar extra am Morge nomol dr PC agworfe zum mini Mails zchecke, bi in dr Uni zum Beamer glofe wo d'Zimmernummere vo de Vorläsige druf stön (mini het tatsächlich in dr Aula stattgfunde), aber das het alles nüt gnützt.. Sie finde wohl i hätt mi sälber müesse bim Profässer mälde..
Wie gseht das bi euch us? Hän ihr arme Mediziner in eurer Kolegiegebeude-entfärnte Enklave au scho öbbis vo däm Uni wite Streik ghört? Oder gseh??
Liebi Grüessli und in vorfreud uf euri Ruckmäldige
Miau

Keine Kommentare:

Kommentar veröffentlichen

Hinweis: Nur ein Mitglied dieses Blogs kann Kommentare posten.