Hallo zämme!!
Ich has gschafft!! Sit geschtert lig i krank im Bett mit 38,88 Grad Fieber! (das isch geschtert gsi..)
Ich bi scho soo lang nümm richtig krank gsi, dass i das jetzt mol ha müesse mt aller Heftigkeit nochhole.. und wils mir so schlächt goht, muess i jetzt mi Sälbschtmitleid do und jetzt usläbe!!
Nei.. so schlächt gohts mir gar nit.. mir isch nur e bizeli langwilig..
Aber i chum jetzt zu de positivere Statements:
Macciato: I find s'Bloglayout au super!! Hesch du per Zuefall zwenig ztue? Isch Wirtschaft doch nit so spannend? Oder het din Dag eifach me als 24 Stunde, dass du für so e tolli Layoutgstaltig no Zyt findisch?
Boetzge: Wenn am Donnschtig?? Kei Angscht: Bis denn bini wieder top fit!!
Eilean: Leider hani wieder nüt als enttüschig für di.. Aber sälbschtverschtändlich wird ich sofort nach mim erschte Kuss (oder was au immer), usefinde wie meh cha mit mehrere Lüt glichzytig telefoniere (Konferenzschaltig oder so..) und wirds euch allne glichzytig verrote!!
Also i freu mi euch hoffentlich bald alli wieder z'gseh!! (Wenn mache mir wieder öbbis ab?)
Und wünsch euch no en schöne Dag und viel Gsundheit!!
Keine Kommentare:
Kommentar veröffentlichen
Hinweis: Nur ein Mitglied dieses Blogs kann Kommentare posten.