.. das isch wirklich e spannendi Sach gsi!
Eigentlich hätt i mini Prüefig am 12.5 gha, aber eine vo mini Examinatore het versehentlich d'Frog vomene andere Prüefling in mi Prüefigscouvert glegt.. und denn hän si mir gseit:
"Leider chöne Sie Ihri Prüfig nit hüt ablege.. Vilicht gohts nöchscht Wuche.. aber nur wenn Ihri anderi Prüefigsfrog umformuliert wird..."
Ei Durenand!
Aber i ha si denn am 19.5 chöne ablege :) Dä Dozänt het sich mega für mi igsetzt.
Schlussändlich isch die erschti Hälfti sehr guet gange und in dr zweite Hälfti bini in Stress cho und ha en völlig undurchdachte und unstrukturierte Texscht gschriebe..
Aber jo, in zwei Monet weiss i meh..
Wenn ich usefind, wies jetzt funktionier, mach ich in de nöchschte Däg emol en Terminator. Sunscht wärde mirs nie schaffe öbbis abzmache ;)
I wünsch euch no viel Erfolg bim lerne!!
Griessli
Miau
Keine Kommentare:
Kommentar veröffentlichen
Hinweis: Nur ein Mitglied dieses Blogs kann Kommentare posten.