Also als aller erschts: Falls Macchiato dä Blog emol z'gseh bechunt: Alles Gueti zum Geburtstag!
Zweitens: Sorry, Eilean, do hani mi in dr Zyt wohl verschriebe. Es tuet mir leid.
Drittens: I ha din Roman gläse und mi gfrogt, bruche mir wirklich Musik im Hintergrund?
I mein nätt isch jo scho, aber nötig isch es nit und wird nit irgendwenn e chli miehsam zum organisiere..?
Viertens: Ich weiss jo nit öb sich öbber vo euch freiwillig mäldet zum e Red z'halte, aber i glaub mir sin alli nit so d'Vortragstype. Vielicht chönt me do no öbber anders afroge, zB dr Lukas Wiss oder so. I glaub das chönt ihm no ligge...?
Föteli oder so chani sunscht scho zämme stelle..
Jetzt hani sicher d'helfti vergässe vo dem woni ha welle sage, aber jo..
Ah no zu de Getränk: i ha mir das geschter au scho überlegt, öb me nit Getränk zum chaufe, wänn abiete, das aber denn für z'ufwändig abdoh. Allerding gib ich dir absolut rächt, dass es wohrschinlich Lüt git wo denn ins Loch gheie würde. Was ich allerdings no als Iwand gseh, isch, dass ich am Schluss nit möchti uf unmänge Getränk sitze blibe will, woni eh nie trink..
Keine Kommentare:
Kommentar veröffentlichen
Hinweis: Nur ein Mitglied dieses Blogs kann Kommentare posten.