Das wird e ultra lange Yytraag....

Zum Koffer & Auto:
Aaalso vo mir us chönne mir gärn 2 grossi Koffer mitnäh, allerdings bini denn nüm dr meinig das mir dzue no 4 kleini Koffer müent ha. 1. wirds extrem müehsam so viel Koffer jede Tag yy- und uszlade, 2. bruche mir eh nit so viel Platz und 3. wie Eilean das gseit het, hän mir im Auto sichr nit Platz für 6 Koffer! Ich würd deswege folgendes vorschloh: 

• 2x grossi Koffer (wird abgäh)
• 2x kleini Koffer (gilt als 2 "Handgepäck")
• 2x grossi Handtäsche odr Rucksack (gilt als 2 "Handgepäck") ==> Also würds hän mir am Schluss genau 4 "Handgepäck" ha)

Luut dr Richtlinie vo Easyjet dörf me jo nur "1 Handgepäck" mitnäh (also NIT Koffer + Handtäsche), aber ich bi mir sichr, me dörft e kleini Umhängetäsche (für Port-monnaie und Billet odr so) zum Koffer dzue ha. Grösseri Sache chame jo dene zwei gäh, wo e grossi Handtäsche dbie händ.

Die Ufteilig (wär nimmt welle Koffer mit) hani agfange in e Liste yytrage... übrigens nur en Vorschlag, ihr chönnet gärn protestiere.. :P

Do Miao ihr Laptop mitnimmt, gangi dvo us, dass sie e grossi Handtäsche/Rucksack wird mitnäh.. Wär nimmt no e grossi Handtäsche mit??

Zur Packliste: 

Ich ha mol mi Name überall hinde inne gschriebe, wo ich mitnäh cha. Ich ha au e paar Sache hinzuegfügt. 

Ich nimm gärn 1 Stecker mit, aber ich glaub, es isch besser wenn mir 2 hän. Anybody?

Ussrdäm hani no Unterlage für dr Flug und Unterlage für unseri Rundreis (also die Liste wo mir alli gmacht hän) hinzuegfügt, dmit ichs nit vergiss. Das druck ich alles denn us. Kopie von ID/Pass und Reiseroute usdrucke chönne mir bi mir vor dr Reis mache.

Zu Film:

Ich chumm nomol uf mis Aagebot zrugg, ich cha gern e USB Stick mitnäh mit Film/Serie druf. Ich ha näbedraa nomol e Liste gmacht: Gäbet dett eifach eure Wunschtitel yy und ich versuech sie abezlade ;) Mir chönne denn jo immr no entscheide, welle mir luege wänd.

Zum Gäld:

Wie wänn mr das mitem Geld jetz mache? Was meine dir isch besser: Alli nähme British Pounds mit und jede bezahlt syy Teil odr nur öbr nimmt Gäld mit, zahlt eifach mol alles und mir mache d'Abrächnig am Schluss? Übrigens nimm ich uf jede Fall mini Kreditkarte mit, denn hani vo mir us au d' Hotels zahle (denn müen mir nit immr so viel Bargäld mitnäh...)

Zum 2. Juni:

Hani das richtig im Kopf? Mir träffe uns am Mändig zobe bi mir zum packe odr? Wän dir det euri Sache scho mitnäh? Sunsch chame vo mir us au am Zyyschtig morge träffe (z.B. 9i). Au nur e Vorschlag...

Also das wärs mol vo minere Syyte... omg hani viel gschriebe, ich ha jo nüt ztue an dr Arbet......

Babaaaaaa~

PS: "wtf" am 29.Mai?! :P