Das wird jo richtig konkret!
Also wägem Handgepäck: Ich ha eh dänggt, bi 2 grosse Koffer nimm ich e Täsche mit, das isch für mi guet.
Aber: Falls dir, Macchiato und Eilean, no en grosse Koffer hättet wär i dankbar, wenn mir dä chönte nä. D'Simone und dr Lukas zügle an dem Wuchenänd und hän dr Koffer vorläufig belegt.. Sie wüsse zwar, dass ich en denn au no brüchti, aber wenns nit muess si, wirds nit so stressig.
Gäld: Ich ha scho chli Britischi Pounds abghobe und hätt also e biz Bargäld drbi. I dängg, es isch nit schlächt, wenn alli e biz öbbis für ihri eigene Usgobe drbi händ.
Packe: Ich würd sage mir packe soviel wies goht am Mäntig und chöne uns am Zyschtig immer no früehner träffe. Wie ich uns kenn, gohts denn doch e chli länger..
ICH FREU MI!!
Grüessli Miau
Keine Kommentare:
Kommentar veröffentlichen
Hinweis: Nur ein Mitglied dieses Blogs kann Kommentare posten.